ໃນວັນທີ 27 ມັງກອນ 2025 ທີ່ ກະຊວງການເງິນ ໄດ້ເປີດຊຸດຝຶກອົບຮົມ ວຽກງານວິຊາສະເພາະ ແລະ ວຽກງານກວດກາຊັບສິນຂອງລັດ ໃຫ້ແກ່ພະນັກງານຄຸ້ມຄອງຊັບສິນແຫ່ງລັດທົ່ວປະເທດ ປະຈຳປີ 2024 ຂື້ນ, ໂດຍການເປັນປະທານ ຂອງທ່ານ ພຸດທະສິນ ເຮືອງທະວົງ, ຫົວໜ້າກົມຄຸ້ມຄອງຊັບສິນແຫ່ງລັດ ກະຊວງການເງິນ, , ຫົວໜ້າກົມກວດກາ, ຕາງໜ້າຈາກສະຖາບັນການເງິນ-ການບັນຊີ, ຫົວໜ້າພະແນກ, ຮອງຫົວໜ້າພະແນກຂອງກົມຄຸ້ມຄອງຊັບສິນແຫ່ງລັດ, ບັນດາຫົວໜ້າ-ຮອງຫົວໜ້າຂະແໜງຄຸ້ມຄອງຊັບສິນແຫ່ງລັດ ພະແນກການເງິນປະຈຳນະຄອງຫຼວງວຽງຈັນ ແລະ ບັນດາແຂວງໃນຂອບເຂດທົ່ວປະເທດເຂົ້າຮ່ວມ.
_1739440736.jpeg) |
ໂອກາດດັ່ງນີ້, ທ່ານ ພຸດທະສິນ ເຮືອທະວົງ ໃຫ້ຮູ້ວ່າ: ຊຸດຝຶກອົບຮົມໃນຄັ້ງນີ້ ມີຄວາມໜາຍຄວາມສໍາຄັນ ເພື່ອໃຫ້ແກ່ພະນັກງານຂະແໜງຄຸ້ມຄອງຊັບສິນແຫ່ງລັດ ເຫັນໄດ້ຄວາມໝາຍ ແລະ ຄວາມສຳຄັນຕໍ່ກັບວຽກງານກວດກາຂອງຂະແໜງການເງິນ ໃນປະຈຸບັນ-ອານາຄົດ ແລະ ເພື່ອຖອດຖອນບົດຮຽນ, ຜັນຂະຫຍາຍໝູນໃຊ້ເຂົ້າໃນວຽກງານຄວາມຮັບຜິດຊອບໃຫ້ປາກົດຜົນເປັນຈິງ ເປັນຕົ້ນແມ່ນ ວຽກງານກວດກາພັກ, ວຽກງານກວດກາລັດ, ວຽກງານແກ້ໄຂຜົນການກວດສອບ-ກວດກາ ແລະ ວຽກງານກວດກາຊັບສິນຂອງລັດ ເຊີ່ງລ້ວນແລ້ວແຕ່ເປັນສິ່ງສຳຄັນ ທີ່ ບັນດາພະນັກງານຂະແໜງຄຸ້ມຄອງຊັບສິນແຫ່ງລັດ ຕ້ອງໄດ້ກຳແໜ້ນ ບັນດາພຶດຕິກໍາ ແລະ ບົດຮຽນ ຕ່າງໆ ຕິດຕາມການຈັດຕັ້ງປະຕິບັດໜ້າທີ່ ຂອງພະນັກງານໃນການຈັດເກັບລາຍຮັບເຂົ້າງົບປະມານແຫ່ງລັດໃຫ້ຄົບຖ້ວນ.
_1739440755.jpeg) |
ຊຸດຝຶກອົບຮົມແລກປ່ຽນບົດຮຽນວຽກງານກວດກາ ໃຫ້ແກ່ພະນັກງານຂະແໜງການຄຸ້ມຄອງຊັບສິນແຫ່ງລັດໃນຂອບເຂດທົ່ວປະເທດ ໃນຄັ້ງນີ້: ແມ່ນໄດ້ຈັດຂຶ້ນເພື່ອ ຖອດຖອນບົດຮຽນ ໃນໄລຍະຜ່ານມາ ແລະ ນຳເອົາຜົນສຳເລັດດັ່ງກ່າວມາເປັນບ່ອນອີງໃນການຈັດຕັ້ງປະຕິບັດໜ້າທີ່ ວຽກງານກວດກາໃນຕໍ່ໜ້າໃຫ້ມີ ປະສິດທິພາບ ແລະ ໄດ້ຮັບຜົນສຳເລັດຫຼາຍກວ່າເກົ່າ, ເຊີ່ງຜູ້ຕາງໜ້າຈາກຂະແໜງຄຸ້ມຄອງຊັບສິນແຫ່ງລັດ ພະແນກການເງິນປະຈຳນະຄອນຫຼວງວຽງຈັນ, ບັນດາແຂວງໃນຂອບເຂດທົ່ວປະເທດຈະຕ້ອງສຸມສະຕິປັນຍາຄວາມຮູ້ຄວາມສາມາດ ປະກອບສ່ວນ ຊ່ວຍຄະນະກວດກາພັກກະຊວງ ໃນການຕິດຕາມ, ກວດກາພັກ, ກວດກາລັດ, ສະກັດກັ້ນ ແລະ ຕ້ານການສໍ້ລາດບັງຫຼວງ ແລະ ຕິດຕາມແກ້ໄຂ ຜົນຂອງການກວດກາ-ກວດສອບ ໃນຂົງເຂດການເງິນແຕ່ສູນກາງຮອດທ້ອງຖິ່ນເຮັດໃຫ້ປະກົດການຫຍໍ້ທໍ້ ໃນຂະແໜງການເງິນ ຫລຸດລົງເທື່ອລະກ້າວ.
 |
ດັ່ງນັ້ນ, ວຽກງານກວດກາແມ່ນເປັນວຽກງານໜຶ່ງທີ່ສອດຫ້ອຍ ແລະ ຄຽງຄູ່ກັບທຸກຂົງເຂດວຽກງານ ເວົ້າລວມ, ເວົ້າສະເພາະວຽກງານກວດກາຂົງເຂດການເງິນ ແມ່ນມີຄວາມສຳຄັນ ຕໍ່ບົດບາດຂອງການນຳພາ-ຊີ້ນຳຂອງອົງຄະນະພັກກະຊວງການເງິນ ໃນການຄຸ້ມຄອງເກັບລາຍຮັບ ແລະ ຄຸ້ມຄອງລາຍຈ່າຍງົບປະມານແຫ່ງລັດ, ການກວດກາ, ຕິດຕາມການປະຕິບັດໜ້າທີ່ຂອງພະນັກງານໃນຂະແໜງການເງິນແຕ່ສູນກາງ ແລະ ທ້ອງຖິ່ນ ເພື່ອສ້າງບັນທັດຖານໃຫ້ແກ່ການປະຕິບັດໜ້າທີ່ວຽກງານ ຂອງພະນັກງານໃຫ້ມີສະຕິເປັນເຈົ້າການ ປະຕິບັດບັນດາລະບຽບການ, ກົດໝາຍຕ່າງໆ ໃນຂົງເຂດການເງິນຢ່າງເຂັ້ມງວດ, ລວມທັງສະກັດກັ້ນ ແລະ ຕ້ານພຶດຕິກຳຕ່າງໆ ທີ່ເປັນປະກົດການຫຍໍ້ທໍ້ ແລະ ການຫຼົບຫຼີກປະຕິບັດພັນທະຕໍ່ງົບປະມານ ຂອງຜູ້ປະກອບການ ແລະ ການກວດກາ ເປັນການຊຸກຍູ້, ສົ່ງເສີມໃຫ້ບັນດາວິສາຫະກິດ ເຂົ້າສູ່ລະບຽບການເທື່ອລະກ້າວ
