ພວກຂ້າພະເຈົ້າພຽງແຕ່ນໍາໃຊ້ຂໍ້ມູນສ່ວນຕົວນີ້ ເພື່ອຈຸດປະສົງທີ່ກ່ຽວຂ້ອງໂດຍກົງກັບຫນ້າທີ່ ຫຼື ກິດຈະກໍາ ຂອງພວກຂ້າພະເຈົ້າ ໃນການຈົດທະບຽນຄ້ຳປະກັນ.
ພວກຂ້າພະເຈົ້າບໍ່ໄດ້ໃຫ້ຂໍ້ມູນສ່ວນຕົວຂອງບຸກຄົນກັບອົງການຈັດຕັ້ງຂອງລັດຖະບານອື່ນໆ, ອົງການຈັດຕັ້ງພາກ ເອກະຊົນ ຫຼື ບຸກຄົນອື່ນໆ ນອກຈາກໍລະນີໃດໜື່ງທີ່ກຳນົດໃວ້ດັ່ງລຸ່ມນີ້:
- ບຸກຄົນດັ່ງກ່າວນັ້ນຍິນຍອມໃຫ້ຂໍ້ມູນ
- ບຸກຄົນດັ່ງກ່າວນັ້ນຄາດຫວັງ, ຫຼື ໄດ້ຖືກແຈ້ງວ່າປະເພດຂອງຂໍ້ມູນດັ່ງກ່າວ ຕາມປົກກະຕິແລ້ວຈະຕ້ອງແຈ້ງຫາບຸກຄົນ ຫຼື ອົງການຈັດຕັ້ງອື່ນໆ
- ຖ້າບໍ່ດັ່ງນັ້ນ, ຈໍາເປັນຕ້ອງໃດ້ຮັບອະນຸຍາດຕາມກົດຫມາຍ
- ທັ້ງນີ້ເພື່ອເປັນການປ້ອງກັນ ຫຼື ຫຼຸດຜ່ອນຄວາມສ່ຽງທີ່ຮ້າຍແຮງຕໍ່ກັບຊີວິດ ຫຼື ສຸຂະພາບຂອງບຸກຄົນ, ຫຼື
- ດ້ວຍເຫດຜົນທີ່ຈໍາເປັນສໍາລັບການບັງຄັບໃຊ້ກົດຫມາຍຂອງຄະດີອາຍາ ຫຼື ກົດຫມາຍວ່າດ້ວຍ ການບັງຄັບໃຊ້ການລົງໂທດດ້ວຍການປັບໄໝ ຫຼື ສໍາລັບການປົກປ້ອງຊັບສິນຂອງປະຊາຊົນ
ຄວາມປອດໄພຂອງຂໍ້ມູນ
ພວກຂ້າພະເຈົ້າຮັບຜິດຊອບໃນການປົກປ້ອງຂໍ້ມູນສ່ວນຕົວນີ້ທີ່ສາມາດສົ່ງຜົນຕໍ່ການສູນເສຍ, ໂດຍສະເພາະແມ່ນການ ເຂົ້າເຖິງຂໍ້ມູນໂດຍບໍ່ໄດ້ຮັບອະນຸຍາດ, ການນໍາໃຊ້, ດັດແກ້ ຫຼື ເປີດເຜີຍ, ແລະ ສະກັດກັ້ນການນຳໃຊ້ຂໍ້ມູນໃນທາງທີໍບໍ່ຖືກຕ້ອງ ອື່ນໆ.
ເມື່ອຂໍ້ມູນສ່ວນຂອງບຸກຄົນທີ່ພວກຂ້າພະເຈົ້າໄດ້ເກັບກໍາມານັ້ນມີບໍ່ຊັດເຈນອີກຕໍ່ໄປແລ້ວ, ພວກຂ້າພະເຈົ້າຈະທໍາລາຍ ຫຼື ລົບລ້າງເພື່ອຄວາມປອດໄພ ແລະ ສອດຄ່ອງກັບນະໂຍບາຍ ການບັນທຶກຂໍ້ມູນຂອງກະຊວງການເງິນ.