ການບໍລິການ

ການຈົດທະບຽນການຄ້ຳປະກັນດ້ວຍສັງຫາລິມະຊັບ ແມ່ນການບໍລິການທາງອີເລັກໂຕຼນິກ ເຊິ່ງສະໜອງການຈົດທະບຽນ ໂດຍກົມຄຸ້ມຄອງຊັບສິນຂອງລັດກະຊວງການເງິນ. ການຈົດທະບຽນ ການຄ້ຳປະກັນດ້ວຍສັງຫາລິມະຊັບ ໄດ້ສ້າງຕັ້ງຂື້ນ ເພື່ອອະນຸຍາດໃຫ້ບຸກຄົນ ແລະ ສະຖາບັນຕ່າງໆ ຈົດທະບຽນການຄ້ຳປະກັນ ຂອງຕົນໃນສັງຫາລິມະຊັບ. ຫ້ອງການ ຈົດທະບຽນດ້ວຍສັງຫາລິມມະຊັບ ດຳເນີນການຈົດທະບຽນດ້ວຍລະບົບຄອມພີວເຕີສູນກາງ ທີ່ໃຫ້ບໍລິການ ການຈົດທະບຽນ 7 ວັນ ຕໍ່ອາທິດ. ພະນັກງານຂອງຫ້ອງການຈົດທະບຽນ ສາມາດໃຫ້ຄວາມຊ່ວຍເຫຼືອ ດ້ານວິຊາການເທົ່ານັ້ນ ແລະ ບໍ່ມີຄວາມຮັບຜິດຊອບໃນການຈົດທະບຽນ ຫຼື ການຄົ້ນຫາໃນນາມຂອງລູກຄ້າໄດ້. ຕິດຕໍ່ສອບຖາມ ຂໍ້ມູນເພີ່ມເຕີມກ່ຽວກັບ ການຈົດທະບຽນໄດ້ທີ່ ຫອ້ງການຈົດທະບຽນ ເບີໂທ: (856 21) 900 905.